Xarici dil öyrənməyə başlamazdan əvvəl motivasiya mənbəyinizi tapmalı, hədəfinizi müəyyən etməlisiniz.

Yeni bir dil öyrənmək asan iş deyil. Hər hansısa bir dili öyrənərkən sizə çətin gələn mövzularla qarşılaşacaqsınız.  Elə buna görə də, siz dil öyrənməyin asan yollarını tapmalısınız.

Xarici dil öyrənmək vaxt və məhsuliyyət tələb edir.

1. Danışıq qruplarına qoşulun
Xarici dil öyrənmək istəyənlərin bir araya gəldiyi “ Conversation club” təşkil olunur. Siz də bu tədbirlərdə iştirak edərək xarici dilinizi inkişaf etdirə bilərsiniz.

2. Mobil telefonunuzda və komputerinizdə öyrənəcəyiniz dildən istifadə edin
Mobil telefonunuzu, komputerinizi və sosial media hesablarınızı xarici dilə çevirin. Beləliklə, sizin qarşılaşdığınız hər yeni söz,  sizin üçün avantaj olacaq.

3. Film və animasiya izləyin
Film izləmək dil öyrənməyin ən effektiv və asan üsullarından biridir. Siz öyrənmək istədiyiniz dildə qısa filmlər, animasiyalar izləyərək xarici dili daha asan şəkildə öyrənə bilərsiniz.

4. Oyunlar oynayın
Siz oyunları xarici dildə oynayaraq həm əylənə, həm də dili daha asan şəkildə öyrənə biləcəksiniz. Bu oyunlara misal olaraq “Scrabble” oyunu 2,3 və ya 4 nəfərlə oynana bilən söz oyunudur.
“Tabu” oyunu da həmçinin qrup şəklində dostlarınızla əylənərək oynaya  biləcəyiniz sadə oyundur. Burada siz qruplara bölünərək sizin üçün gələn sözləri kamandanızdan olan dostunuza başa salmalısınız. Bu oyun sizin “Speaking” üzrə inkişafınıza müsbət təsir edəcək.

5. Musqi və podkastlar dinləyin
Xarici dildə dinləmənin inkişafı üçün ən yaxşı metodlardan biri musiqi dinləməkdir. Musiqi ilə dil öyrənmək sizin üçün həm əyləncəli, həm də asan olacaq.
Günümüzdə YouTube xarici dilin inkişafı üçün bir çox imkanlar yaradıb. Buarada siz diqqətinizi çəkən maraq dairənizə uyğun kanallara abonə olaraq podkastlar dinləyə bilərsiniz.