Xarici dil öyrənmək həm şəxsi, həm də peşəkar şəkildə həyatda irəliləyişimizə müsbət təsir edir. Peşəkar və ya şəxsi səbəblərdən asılı olmayaraq hər hansısa bir xarici dili öyrənərkən dilin əhəmiyyətini başa düşmək, onun qatdığı dəyəri anlamaq hədəflərinizə daha uğurlu şəkildə çatmağınıza kömək edəcək.

Xarici dil öyrənmək istəyirsinizsə ilk öncə komplekslərinizi yox etməlisiniz. “Yanlış cümlə quraram hər kəs mənə gülər” kimi sizi uğursuzluğa aparan düşüncələrinizi beyninizdən kənarlaşdırın.

Kompleksləri kənara qoyduqdan sonraki ilk iş əyləncəli yollar axtarmaqdır. Xarici dil öyrənməyin bir sıra əyləncəli yolları var.
 
Öyrənəcəyiniz dili həyat tərzinizə çevirin!

1. Oyunlar oynayın!
Xarici dil öyrənərkən sevdiyiniz oyunları öyrənmək istədiyiniz dildə oynayaraq həm əylənə, həm də asan şəkildə dilinizi inkişaf etdirə bilərsiniz. Buna misal olaraq söz oyunu göstərilə bilər. Siz bir söz tapırsınız və bu sözün son hərfi ilə yeni bir söz söyləyin. Oyunu bu şəkildə dostlarınızla birlikdə əylənərək oynaya bilərsiniz

2. Musiqi, audiokitab, podkastlar dinləyin!
Dil öyrənərkən ən çətin bacarıqlardan biri dinləmə anlayışıdır. Əcnəbiləri başa düşməyi öyrənmək üçün onları tez-tez dinləmək lazımdır. Sizin mütəmadi olaraq əcnəbilərlə ünsiyyətə girməyə imkanınız yoxdursa dinləmə bacarıqlarınızı artırmaq üçün yeni yollar sınamalısınız. Təbii ki, bu işdə ən yaxşı köməkçiniz bol musiqi dinləmək, audiokitab və podkastlar dinləmək olacaq.

3. Film, animasiya, cizgi film izləyin!
Xarici dili filmlərə baxaraq öyrənmək yoxlanılmış ən effektiv üsullardandır.
İzləyərək dil öyrənməyin faydaları: Yeni söz və ifadələr öyrənirsiniz, dinləmə anlayışınızı yaxşılaşdırırsınız, uyğun nitqin səsinə öyrəşirsən, ən əsası inkişaf edirsiniz və əylənirsiniz.